Maqedoni, nisin procedurat për korigjimin e enciklopedisë

"Ne do të kryejmë korrigjimin e disa pjesëve që kanë ngjallur reagime në opinionin publik'', deklaroi Stardelov për shtypin.
     
Komuniteti shqiptar i Maqedonisë, që përbën më shumë se 25 për qind të popullsisë së kësaj ish-republike jugosllave me dy milionë banorë, reagoi ashpër ndaj disa pjesëve të Enciklopedisë, realizuar nga Akademia e Shkencave dhe Arteve.
     
“Këto korrigjime do të mundësojnë arritjen e një zgjidhjeje autonome, pa presion politik'', theksoi Stardelov, në vijim të një takimi të Akademisë maqedonase.
     
Akademia maqedonase do të vazhdojë punimet lidhur me këtë çështje javën e ardhshme.