"Marreveshjet, jo vetem ne tryeze por dhe ne Kuvend"

Ambasadori i Spanjes, Manuel Montobio, vendi i te cilit kryeson Presidencen e radhes se BE-se, deklaroi dje se dialogu politik eshte jetik per integrimin e vendit. Gjate fjales se mbajtur ne takimin e Komitetit te Stabilizim-Asociimit, diplomati spanjoll theksoi se duhet te fokusohemi ne sfidat e integrimit ne Bashkimin Evropian, por fillimisht duhen kapercyer mosmarreveshjet politike. Sipas tij, kjo eshte pika e nisjes per Shqiperine. Gjithashtu ambasadori i Spanjes, vleresoi si shume te rendesishme qe lideret e politikes shqiptare te bashkepunojne ne menyre qe te pershpejtohet integrimi i vendit ne Bashkimin Evropian. "Marreveshjet te mos gjenden vetem ne kete tavoline, por dhe ne Parlament. Duhet te fokusohemi ne sfidat e integrimit ne Bashkimin Evropian, por fillimisht duhen kapercyer mosmarreveshjet politike. Kjo eshte pika e nisjes per Shqiperine", deklaroi ambasadori spanjoll, vendi i te cilit kryeson presidencen e radhes se Bashkimit Evropian. Ky takim i Komitetit, i paraprin takimit te Keshillit te Asociim-Stabilizimit i cili do te mbahet ne muajin maj, ku perballe autoriteteve shqiptare do te jene perfaqesuesit e te gjitha vendeve anetare te Bashkimit Evropian.