Martohen vella e moter
Dy binjake te dare menjehere pas lindjes, jane martuar pa e ditur se ishin moter e vella. Secili prej tyre ishte adoptuar nga nje familje e ndryshme dhe nuk kishin dijeni per ekzistencen e njeri-tjetrit. Ngjarja ka ndodhur ne Britanine e Madhe, duke shkaktuar shume buje ne vend. Vetem pas zbulimit shokues, Gjykata e Larte Britanike ka vendosur anulimin e marteses mes tyre, duke u shprehur se ligjerisht ky bashkim nuk ka pasur vlere. Mediat britanike thone se identiteti dhe detajet e kesaj historie mes dy binjakeve mbetet nje sekret, per te mos cenuar jetet e tyre. Por nje miku i tyre, liberaldemokrati Lord Alton, ka thene se ata ndjenin nje terheqje te madhe ndaj njeri-tjetrit, pa e ditur se kishin lidhje gjaku. Ai e ka ngritur ceshtjen ne Dhomen e Lordeve te parlamentit britanik, per te ilustruar nevojen imediate per te ndryshuar ligjin per embrionet dhe fekondimin njerezor, ne menyre qe femijet e adoptuar te informohen per identitetin e prinderve te tyre biologjike. Qeveria britanike po perballet me kundershtimin e hapur te opozites per te ndryshuar kete ligj, dhe te marten Dhoma e Lordeve ne parlament pritet te votoje per ndryshimin e tij. Sipas Alton, e drejta per t'u informuar per nje gje te tille eshte nje e drejte njerezore. "Do te kete raste te tjera si kjo, nese femijeve nuk u thuhet e verteta", - ka thene ai.