Mazhoranca miraton kandidaturën e Ardian Fullanit për Guvernator

Deputetët e mazhorancës kanë miratuar kandidaturën e Ardian Fullanit për Guvernatorin e ardhshëm të Bankës së Shqipërisë. Kandidatura e tij është miratuar në Komisionin e Ekonomisë dhe tashmë pritet që ai të shkojë për miratim në Kuvend, ku me të gjitha gjasat do të votohet sërish nga mazhoranca.

Deputetët e PS-së ndërkohë nuk e kanë miratuar kandidaturën e Fullanit, i cili po shkon kështu drejt rizgjedhjes edhe për shtatë vjet të tjera në krye të Bankës së Shqipërisë.