Mbani frymen! Nis Euro 2008

Starton sot, ne oren 18:00, Euro 2008, evenimenti me i madh futbollistik i kontinentit te vjeter per skuadrat perfaqesuese. Evropiani i 13-te, qe do te zhvillohet ne Austri dhe Zvicer, do ta ngreje siparin e tij me takimin Zvicer-Ceki, ku te zotet e shtepise do te shkelmojne topin nga mesi i fushes, fill pas vershellimes se gjyqtarit italian, Rozeti. Vuajtjet e nje vit e gjysme eliminatore dhe thuajse 20 dite pergatitje te vrullshme per skuadrat kombetare do te kristalizohen sot, kur te nise e te marre fryme Evropiani i 13-te i historise. Pretendentet jane te shumte dhe kesaj radhe nuk priten "outsider"-s, sic ishte Greqia ne vitin 2004. Italia, Franca, Gjermania, Holanda etj., jane te gjitha ne gare per te ngritur lart kupen aq shume te lakmuar. Sot, Zvicra dhe Cekia do te luajne takimin e pare dhe, pa dyshim, per te dyja skuadrat nje fitore do te ishte dhe starti me i mire i mundshem. "Nuk po duroj dot me, mezi po pres qe te nisi". Gelson Fernandez e pershkruan keshtu shume mire shpirtin e nje kombi te tere. Zvicra do ta cele sot Evropianin. Te gjithe jane te pergatitur dhe mbrojtesi Filip Senderos eshte gati te enderroje: "Eshte nje ndeshje e madhe per ne. Eshte teper e nevojshme qe ta fillojme me "kembe te mbare", pasi, ne te kundert, do ta kemi shume te veshtire. Te gjithe ne Zvicer mezi e kane pritur kete takim dhe nuk duhet te zhgenjejme. I kemi aftesite e nevojshme per te marre me te miren ndaj Cekise dhe deshira e madhe qe ka skuadra per te fituar, do te na e largoje presionin qe do te kemi ne ndeshjen hapese te nje kompeticioni kaq te madh". Por edhe kampi tjeter eshte gati te marre fitoren ne perballjen e pare. Sulmuesi i atakuar nga mediat ceke ditet e fundit, Milan Barosh, deklaron se Cekia e tij do te arrije nje rezultat te shkelqyer. "Kam besim se do arrijme nje rezultat te shkelqyer ne Evropian. Nuk do jete dhe aq e lehte, pasi kemi mungesa, por jemi ketu per t'i kaluar te gjitha pengesat".

Historiku i perballjeve

Zvicra do te debutoje sot kunder nje kundershtari, te cilin e njeh mjaft mire, pasi eshte perballur me te plot 31 here. Ndeshjet kunder Cekise nuk perbejne kujtime te bukura per skuadren helvete, e cila ka mundur te fitoje vetem 8 here dhe eshte mundur 16 here nga skuadra ceke, ndersa 7 ndeshje jane mbyllur ne barazim. Republika Ceke, nder te tjera, ka fituar dhe dy perballjet e fundit me skuadren e drejtuar nga Kobi Kuhn ne vitet 1996 dhe 1999. Dy skuadrat nuk jane ndeshur kurre me pare ne nje faze finale te Kampionatit Evropian. Ne veprimtarite e medha, Zvicra dhe Cekia jane perballur dy here: Ne Lojerat Olimpike te Parisit ne vitin 1924, ku helvetet arriten te barazonin ne ndeshjen e pare dhe te fitonin ne te dyten, si dhe ne Kampionatin Boteror te vitit 1934, kampionat qe u zhvillua ne Itali. Atehere ishin ceket, ata qe triumfuan. Pavaresisht se eshte ndeshja celese e veprimtarise dhe shanset jane te barabarta, te dyja ekipet kane nga nje faktor vendimtar ne krah. Zvicra ka tifozerine si organizuese, ndersa Cekia traditen, pasi ka fituar gati gjysmen e perballjeve ne teresi ndaj helveteve.

18/08/1999 : Rep. Ceke- Zvicer 3-0 (Miqesore)

01/06/1996 : Zvicer - Rep. Ceke1-2 (Miqesore)

20/04/1994 : Zvicer - Rep. Ceke3-0 (Miqesore)

21/08/1991 : Rep. Ceke- Zvicer 1-1 (Miqesore)

25/10/1989 : Rep. Ceke- Zvicer 3-0 (El. KB)