Mbërrijnë 300 emigrantë në Maltë

Maltë-Malta ka pritur këtë të diel rreth 300 emigrantë, të cilët mbërritën nga bordi i një anijeje peshkimi në brigjet në jug të Maltës.''Emigrantët, të vendosur në një anije peshkimi zbarkuan në portin Marsaxlok dhe gjatë tentativave për t'u shpërndarë dhe fshehur u rrethuan nga policia dhe ushtarët'', deklaruan të njëjtat burime. Kjo ishte mbërritja më e madhe e klandestinëve që nga vera e vitit 2007.

Në janar, 162 emigrantë u kapën në det nga marina malteze. Në vitin 2008, rreth 2 770 emigrantë, shumica prej të cilëve somalezë mbërritën në Maltë, shteti më i vogël i Bashkimit Evropian. Malta po bashkëpunon me Italinë, Greqinë dhe Qipron për t'i kërkuar vendeve evropiane të ndërmarrin veprime konkrete dhe të përbashkëta kundër emigracionit klandestin.