Mbetjet e peshkarexhave dhe anijeve hidhen në det
31/05/2005 Rrezik për florën dhe faunën
DURRES - Në vendin tonë nuk ka masa shtrënguese për të detyruar anijet dhe mjetet e tjera lundruese të mos hedhin në det dhe lumenj mbetjet e tyre.
Kjo është bërë e ditur dje në një tryeze mes eskpertëve italianë dhe atyre shqiptarë, gjatë seminarit në të cilin është diskutuar rreth mënyrave dhe rrugëve për administrimin e mbeturinave portuale.
Seminari është pjesë e projektit WAP të përfshirë në programin INTEREG 3 A për pastrimin e porteve sipas standardeve të BE-së. Delegacioni i ekspertëve të rajonit të Marches, Itali, me të cilin Qarku i Durrësit ka në bashkëpunim disa projekte shumë të rëndësishme, ka diskutuar për shërbimin në zonat e mbrojtura portuale, ciklimin e mbeturinave, njohjen e normave ndërkombëtare dhe kushtet që duhet të plotësojnë strukturat përkatëse.
Në këtë tryezë është thënë se hedhja e mbeturinave të anijeve në det është bërë problem shqetësues dhe se vendi ynë ende nuk ka ligje për të ndëshkuar ndotësit e ujit e të mjedisit.
Sipas folësve, mbeturinat portuale, vajrat dhe karburanti i mjeteve lundruese kanë dëmtuar rëndë florën dhe faunën detare.
DURRES - Në vendin tonë nuk ka masa shtrënguese për të detyruar anijet dhe mjetet e tjera lundruese të mos hedhin në det dhe lumenj mbetjet e tyre.
Kjo është bërë e ditur dje në një tryeze mes eskpertëve italianë dhe atyre shqiptarë, gjatë seminarit në të cilin është diskutuar rreth mënyrave dhe rrugëve për administrimin e mbeturinave portuale.
Seminari është pjesë e projektit WAP të përfshirë në programin INTEREG 3 A për pastrimin e porteve sipas standardeve të BE-së. Delegacioni i ekspertëve të rajonit të Marches, Itali, me të cilin Qarku i Durrësit ka në bashkëpunim disa projekte shumë të rëndësishme, ka diskutuar për shërbimin në zonat e mbrojtura portuale, ciklimin e mbeturinave, njohjen e normave ndërkombëtare dhe kushtet që duhet të plotësojnë strukturat përkatëse.
Në këtë tryezë është thënë se hedhja e mbeturinave të anijeve në det është bërë problem shqetësues dhe se vendi ynë ende nuk ka ligje për të ndëshkuar ndotësit e ujit e të mjedisit.
Sipas folësve, mbeturinat portuale, vajrat dhe karburanti i mjeteve lundruese kanë dëmtuar rëndë florën dhe faunën detare.