Mbetjet kimike marreveshje mes OSB dhe Ministrise se Mbrojtjes

Ministria e mbrojtjes dhe OSBE firmosin një marrëveshje për asgjesimin e 83 ton lëndë kimike, stoqe ushtarake të trashëguara nga periudha e diktaturës komuniste.

Marrëveshja u firmos për Ministrinë e Mbrojtjes nga ministri, Arben Imami dhe për zyrën e OSBE në Tiranë, nga ambasadori, Eugen Volfarth.

Projektmarrëveshja teknike synon eleminimin e kimikateve të rrezikshme ushtarake sipas të gjitha rregullave dhe standarteve ndërkombëtare në mbrojtje të ambjentit.

Ministri i Mbrojtjes vlerësoi punën e arritur në asgjesimin e munimcioneve të vjetra dhe të rrezikshme ushtarake, pastrimin e zonave të kontaminuara si dhe asgjesimin e lëndëve kimike të rrezikshme.

Kreu i OSBE në Tiranë garantoi për mbështetjen e plotë të nismave për asgjesimin e municioneve dhe sumbastancave të rrezikshme.

Procesi i eleminimit të kimikateve do të kryhet nga një kompani e kontaktuar nga OSBE, ndërsa Ministria e Mbrojtjes do të bashkëpunojë për transportin, shpërndarjen dhe sigurimin e kimikateve të rrezikshme, si dhe mbrojtjen fizike të personelit.