Mbetjet spitalore, 10 klinikave u refuzohet licensa

Autoriteti Shendetesor Rajonal ka kthyer mbrapsht 10 licenca, per hapje te klinikave private, per vete faktin se nuk plotesonin kushtet per eliminimin e mbetjeve spitalore. Keshtu nga 15 subjekte qe kane aplikuar per te marre licencen, per te ushtruar aktivitetin e tyre privat shendetesor, por vetem pese kane arritur ta marrin ate, pasi te tjerat nuk i kane plotesuar kriteret. Te gjithe spitalet, publike dhe private, duke perfshire dhe klinikat mjekesore, do te gjobiten ose do t'u hiqet licenca, ne rast se nuk plotesojne kriteret per eliminimin e mbetjeve spitalore. Kjo ka qene deklarata e Mehill Gecaj, drejtorit ekzekutiv te Autoritetit Shendetesor Rajonal. Sipas tij, kontrollet do te intensifikohen ne muajt ne vazhdim. "Ligji percakton edhe gjoben qe eshte nga 3 milione ne 5 milione leke te vjetra, per nje subjekt i cili nuk respekton standardet per eliminimin e ketyre mbetjeve spitalore. Vertet do t'u japim mundesine qe keta te kryejne aktivitet privat ne sistemin tone shendetesor, por te percaktohen ato kritere te cilat jane te vendosura dhe jane standarde qe i kane sot te gjitha vendet anetare te Bashkimit Evropian", ka pohuar Gecaj. Sipas te dhenave, spitalet shkarkojne rreth 1439.63 tone ne vit mbetje spitalore, ne pikat e grumbullimit te mbeturinave. Nga keto, 255.46 tone paraqesin rrezikshmeri te larte per qytetaret.

Qytetaret qe bien ne kontakt me keto mbetje, rrezikohen nga infeksione te ndryshme qe mund t'i marrin nepermjet tyre. Nderkohe qe djegia e mbetjeve spitalore behet vetem ne QSUT, por edhe ne kete rast funksioni i inceneratorit (krematoriumi) nuk eshte i perhershem. Per me teper qe kjo aparature nuk eshte brenda standardeve per te kryer plotesisht perpunimin e mbeturinave pa lene gjurme rreziku ne atmosfere.