Mblidhet grupi i PS-se ne mungese te Rames

Mbërritën rreth orës 18.00 në selinë e PS-së, për të marrë pjesë në mbledhjen e 3-të të Grupit Parlamentar brenda kësaj jave. Në fokus të diskutimeve ka qenë koordinimi i qëndrimeve që do të mbajnë në seancën plenare të së hënës. Ata do të votojnë “kundër” privatizimit të 4 Hidrocentraleve (Bistrica 1, Bistrica 2, Ulzës dhe Shkopetit), ratifikimit të marrëveshjes së Licensës së Lotarisë Kombëtare dhe referendumit për miratimin e 3 ligjeve.
Mbledhja e deputetëve socialistë, në mungesë të kryetarit Edi Rama u drejtua nga kreu i grupit, Gramoz Ruci.