Mbyllet misioni i FMN ne Shqiperi

Mbyllet mandati i Fondit Monetar Nderkombetar ne Shqiperi, ku qeveria shqiptare nuk ka riperterire kontraten me te. Tani e tutje FMN, duke pare dhe krizen e forte ekonomike qe ka perfshire tere boten, do te kete vetem rol keshillues per Shqiperine. Mes qeverise shqiptare dhe Fondit Monetar Nderkombetar u miratua dje rishikimi i gjashte i marreveshjes tre vjecare, duke shenuar ne kete menyre mbylljen e misionit te FMN-se ne Shqiperi. Perfaqesuesja e FMN-se, Ann Margaret Westin deklaroi se pavaresisht se ky program do te mbyllet, ky institucion i rendesishem nderkombetar do te vazhdoje te jap mbeshtetje per Shqiperine. "Pavaresisht se sot mbyllim programin, ne do ta mbeshtesim Shqiperine nepermjet konsultimeve apo programeve te asistences", deklaroi perfaqesuesja e FMN-se, e pranishme dje ne ceremonine e mbajtur ne kryeministri. Sipas saj, gjate ketij programi, "Shqiperia, e nisur nga vendet me zhvillimin me te ulet ekonomik, eshte bashkuar me vendet qe jane ne zhvillim". Perfaqesuesja e FMN-se ne Shqiperi deklaroi se gjate ketyre programeve te ndermarra ne Shqiperi, FMN eshte fokusuar ne ceshtje themelore qe kane te bejne me stabilitetin makroekonomik, si dhe ne reforma kyce, qe kane te bejne me zhvillimin e qendrueshem ekonomik. Keto programe, sipas saj, ndihmuan ne administraten e taksave, menaxhimin, mbikeqyrjen e bankave, statistikat dhe privatizimin e sektoreve. Nga ana e tij kryeministri Berisha deklaroi se me mbylljen e ketij misioni Shqiperia mund te konsiderohet si nje vend, qe ka perfunduar procesin e tranzicionit. "Sot u firmos fundi i tranzicionit te nje prej ekonomive me te centralizuara ne Evrope dhe ne bote, dhe tani ajo ecen me institucionet e maturuara te saj. Per nje vend demokratik nuk ka asgje me te rendesishme sesa nje ekonomi solide tregu, pa te cilen ajo nuk mund te ekzistoje.", deklaroi kryeministri gjate fjales se tij. Sipas Berishes, gjate ketyre viteve FMN-ja eshte provuar nje partner i shkelqyer qe ka ndihmuar qeverite shqiptare ne hartimin e politikave fiskale e monetare qe kane garantuar stabilitetin makroekonomik dhe rritjen e shendetshme ekonomike te vendit. Kryeministri theksoi se ky program mbyllet ne nje kohe kur Shqiperia ka nje stabilitet te shkelqyer makroekonomik, mbyll vitin me inflacion rreth 2.2 per qind, me nje rritje ekonomike te pakrahasueshme ne rajon dhe me te larten ne Evrope, me nje ekonomi te gjalle e dinamike.