Poni: Kartat, ose sanksione te renda

Qytetaret shqiptare do te perballen me sanksione te renda, ne rast se ata nuk aplikojne ne kohen e caktuar per t'u pajisura me kartat e reja te identitetit. Kjo eshte thirrja qe erdhi dje nga Ministria e Brendshme, per sa i perket pajisjes se qytetareve me karta identiteti. Afati perfundimtar per pajisje e qytetareve me keto karta, eshte vendosur 28 qershori i ketij viti. Kjo date lidhet edhe me faktin se ne kete muaj, do te mbahen edhe zgjedhjet e pergjithshme parlamentare, ne te cilat qytetaret do te perdorin kartat e reja te identitetit dhe pasaportat biometrike dhe me sa duket eshte pikerisht kjo, data e deshiruar e zgjedhjeve parlamentare per mazhorancen. Sipas zevendesministrit te Brendshem, Ferdinant Poni, punonjesit e administrates do te jene personat e pare te cilet jane te detyruar te bejne kete kerkese. "Te gjithe personat qe punojne ne administraten publike dhe lokale, ne rast mos aplikimi deri ne daten 25 shkurt 2009 nuk do te marrin rrogat ose shperblimet", deklaroi per mediat, zv/ministri i Brendshem. Me pas sipas tij, detyrimin e kerkeses e kane pensionistet dhe studentet, te cilet do te privohen nga pensionet dhe nga provimet, ne rast se nuk do te bejne terheqjen e kartes se identiteti. Nderkaq brenda ketyre afateve, te gjithe qytetaret e tjere jane te detyruar te bejne kerkesen dhe me pas terheqjen e kartave te tyre te identitetit. Qytetaret e tjere te cilet refuzojne te pajisen me keto karta do t'i nenshtrohen sanksioneve te tjera per sa i perket edhe sherbimeve sociale. Secili qytetar duhet te paguaje tashme1200 leke per te terhequr karten e tij te identitetit. Po keshtu te gjithe qytetaret shqiptare qe duan te terheqin nje pasaporte biometrike, duhet te paguajne nje shume prej 6 mije lekesh. Cmimet per shperndarjen e dokumenteve te reja te identifikimit u konfirmuan diten e djeshme nga zevendesministri i Brendshem, Ferdinant Poni. Sipas Ponit, duke nisur qe nga 12 janari te gjithe qytetaret shqiptare, mbi moshen 18 vjec kane te drejte te aplikojne per keto dokumente te rendesishem identifikimi. Ne kuader te zgjedhjeve te ardhshme te pergjithshme te gjithe qytetaret shqiptare jane te detyruar te terheqin dokumentet e tyre te identifikimit, maksimalisht deri ne 28 Qershor te ketij viti. Per transparence dhe per te pajisur cdo shtetas, me te pakten nje dokument identifikimi, vendimi ka percaktuar se Drejtoria e Pergjithshme e Gjendjes Civile ne bashkepunim me Drejtorine e Pergjithshme te Policise se Shtetit, u dergon jo me vone se data 31 janar 2008 te gjitha bashkive, komunave, njesive bashkiake, listen perkatese te shtetasve me te drejte vote, qe nuk jane te pajisur me pasaporte. Njesia perkatese e ben listen publike dhe njofton shtetasit e kesaj liste, per te aplikuar me perparesi per leternjoftim. Te gjitha institucionet shteterore, qendrore apo vendore, marrin masa qe pagesa e aplikimit per leternjoftim nga punonjesit e tyre, te kryhet brenda institucioneve perkatese. Fatjona Mejdini

Emigrantet

Te detyruar te pajisen me karta identiteti jane edhe emigrantet shqiptare, te cilet jetojne dhe punojne jashte Shqiperise. Keta emigrante nuk do lejohen te shkojne ne vendet e huaja, nese nuk kane mandatin e pageses se kartes me vete.

Kartat, kush preket nga sanksionet

Te gjithe personat qe punojne ne administraten publike dhe lokale, ne rast mos aplikimi deri ne daten 25 shkurt 2009, nuk do te marrin rrogat ose shperblimet.

Mos marrjen e pageses nga pensionistet nese s'kane aplikuar deri me 25 mars 2009.

Mos marrja e ndihmes sociale nga shtetasit, nese nuk aplikojne deri ne 30 prill 2009.

Mos pranimi ne provimet e fundvitit te nxenesve dhe studenteve.

Si dhe sherbimi ne zyrat e gjendjes civile, nuk do t'u sherbehet atyre qe nuk kane kryer aplikimin.

Mos leshim dhe rinovim te lejeve te licencave, te dhena nga organet e pushtetit qendron dhe vendor.

Nuk do te lejohen te dalin jashte territorit te Republikes se Shqiperise emigrantet, te cilet nuk disponojne kodin e aplikimit.

Mos aplikim dhe pajisje me certifikate pronesie nga ana e zyres se pronesise.

Mos aplikim dhe leshim te dokumentit si leje drejtimi te automjetit dhe kolaudimin e tyre.