Mbytet në liqen nëna e 3 fëmijëve

Një 41-vjeçare, nga zona e thellë malore e Shllakut, është mbytur dje në ujërat e liqenit të Vaut të Dejës. Ngjarja ka ndodhur në orët e para të mëngjesit të së hënës, kur viktima Dila Zhuri, banuese e fshatit Gogaj, nënë e tre fëmijëve, është futur në ujërat e liqenit të Hidrocentralit të Vaut të Dejës. Trupi i saj është parë buzë liqenit nga disa kalimtarë, të cilët më pas e kanë nxjerrë nga uji për t‘i dhënë ndihmën e parë. Por 41- vjeçarja nuk ka mundur t‘i shpëtojë vdekjes. Sipas policisë shkaku që ka çuar gruan në vetëflijim është bërë gjendja depresive. Ajo kishte tentuar disa herë të vetëvritej.