Mbytet ne plazhin e Golemit vajza nga Vlora

Kavaje- Nje vajze 22-vjecare nga Novosela e Vlores ka humbur jeten tragjikisht diten e djeshme ne bregdetin e Golemit ne Kavaje. Ndersa kishte ardhur se bashku me te afermit e saj per te kaluar pushime dhe bere plazh ne kete zone, vajza e identifikuar si Shaho B., eshte futur ne uje per t’u lare. Por teksa ka hyre me shume se c’duhej, mesohet se e reja nuk i eshte pergjigjur forces se dallgeve dhe thellesise me notin qe dinte. Ne nje moment 22-vjecarja eshte fundosur ne uje, ndersa pushues te tjere jane perpjekur per t’i ardhur ne ndihme, por ka qene e kote. Trupi i te rese eshte nxjerre ne breg dhe derguar ne spital, por pa shenja jete. Policia e Durresit nisi hetimet per kete ngjarje, me qellim zbardhjen e shkaqeve. Nga veprimet paraprake dhe deshmite e marra rezulton qe vajza te jete mbytur pasi nuk dinte te notonte mire dhe askush nuk ka mundur ta nxjerre ne kohe nga uji. Por ekspertet pritet te japin nje konkluzion perfundimtar pas ekzaminimeve, edhe pse e ndjera ka pasur shenja te asfiksise te shkaktuara nga uji i detit. Policia e ka konsideruar ngjarjen aksidentale deri ne perfundimin e hetimeve dhe marrjes se plote te deshmive. Rasti i djeshem con ne tre numrin e viktimave ne bregdetin e Durresit e Kavajes.