Mbytet nje tjeter motopeshkatore ne kalaten lindore te portit
Nje tjeter anije peshkimi eshte mbytur ne kalaten lindore te Portit te Durresit duke vene ne rrezik sigurine e lundrimit dhe nxjerre ne pah nevojen e zhvendosjes se flotes se peshkimit nga ky port. Pas motopeshkatores Flab naten e se merkures eshte fundosur motopeshkatorja Mati e cila ishte e braktisur.
Drejtori ekzekutiv i Autoritetit Portual Durres Eduard Ndreu thote se pervec se perben nje pengese per operacionet portuale nxjerrja e dy anijeve te peshkimit ka edhe nje kosto mjaft te larte dhe zgjidhja e vetme per problemin eshte ndertimi i portit te peshkimit nje investim qe ende mbahet peng per shkak te mosmarreveshjeve mes Bashkise se Durresit dhe qeverise per vendndodhjen e tij.
Debatet mes autoriteteve te pushtetit lokal dhe atij qendror per kete port zgjasin prej disa muajsh madje jane derguar per zgjidhje ne hallkat e gjyqesorit.
Nderkohe Kodi Detar ngarkon me detyrim per nxjerrjen e mjeteve lundruese nga fundi i detit pronaret e tyre dhe ne rast se ata nuk veprojne brenda afatit pergjegjesia i kalon Autoritetit Portual i cili me pas mund ta shese objektin e mbytur per te mbuluar shpenzimet e nxjerrjes se tij. Shitje te kesaj natyre nuk jane realizuar deri me tani duke cuar keshtu ne cenimin e te ardhurave portuale.
Nderkaq situata ne kalaten lindore te Portit te Durresit paraqitet e renduar edhe per shkak te mjeteve te tjera lundruese te fundosura aty qe nga viti 1997 por kostoja per nxjerrjen e tyre kap vleren e afro 1 milion eurove dhe po shihen mundesite ligjore per ti dhene te drejten e terheqjes nje firme private te ciles do ti jepet me pas e drejta per ti shfrytezuar per skrap.
Nderkohe Autoriteti Portual i Durresit ka te trasheguar dhe faturen financiare te zhvendosjes se anijeve te sekuestruara nga antikontrabanda drejt Portit te Raguzes tre vjet me pare. Per secilen prej anijeve te sekuestruara Eni Poseidon Frojdi dhe Joni nga fondet e veta Autoritetit Portual i Durresit shpenzoi tre milione leke duke kapur ne total shumen e 12 milione lekeve.