Më në fund, Malta lejon shkurorëzimin

Pas shumë vitesh, Malta këtë javë mori një vendim historik. Shteti i krishterë, që deri të hënën nuk lejonte shkurorëzimin, ka votuar pro tij.

Vetë presidenti, George Abela, e aprovoi ligjin, ndërkohë që kryeministri i vendit votoi kundër.

Deri të martën, maltezëve i duhej të udhëtonin drejt një vendi tjetër, për të marrë zyrtarisht shkurorëzimin.

Malta ishte i vetmi vend në Evropë që e kishte të ndaluar shkurorëzimin me ligj.

Çiftet që kërkonin të ndaheshin kalonin në shumë procedura komplekse, që lidheshin me kishën.

Procesi i ndarjes zgjaste deri në 9 vjet, ndaj shumica e çifteve ndaheshin në vendet fqinje.

Ishulli i Maltës ka një popullsi prej 410 mijë banorëve, prej të cilëve 95 për qind e tyre janë të krishterë.