Mediu akuza PS-se Kerkon rrezimin e ligjit te mbetjeve

Partia Socialiste sipas Ministrit të Mjedisit, Fatmir Mediu po qëndron prapa grupimeve të caktuara, të cilët në mënyre abuzive kërkojne rrëzimin e ligjit, për menaxhimin e integruar të mbetjeve me referendum popullor. Por selia roze ka theksuar Ministri Mediu është organizmi politik, i cili nuk nuk ka as të drejtën morale ta bëjë këtë, pasi ka qenë ajo që ka lejuar gjatë qeverisjes së saj importin e mbetjeve pa procedurë
Ndërkohe Ministri Mediu ka theksuar se Ministria e Mjedisit ështëe hapur të diskutojë me çdo të interesuar ligjin për menaxhimin e integruar te mbetjeve, plotesimi me akte nenligjore i të cilit është një ndër prioritetet për vitin 2012, pasi sipas Ministrit Mediu vendi është në situatë kritike dhe zbatimi i shpejtë i këtij ligji është tepër i nevojshëm.
Ministri i Mjedisit Fatmir Mediu i bëri këto deklerata gjatë analizës vjetore të punës për vitin 2011 dhe prezantimit të prioriteteve për vitin 2012, ndër të cilat është shprehur edhe për forcim të strukturave të kontrollit ndaj subjekteve publike e private dhe veçanërisht pushtetit lokal ndaj krerëve të të cilit do të procedohet ligjërisht në rast të mos zbatimit të legjislacionit mjedisor për depozitimin dhe trajtimin e mbetjeve dhe ujërave.