Meireles: ëndërrova të luaja në Angli

Transferimi i ri i Liverpoolit, Raul Meireles, thotë se ai më në fund e ka realizuar ëndrrën e tij fëmijërore për të luajtur në Premier Ligë.

"Kam pritur prej një kohe të gjatë dhe më në fund e realizova ëndrrën për të luajtur në Angli. Liverpooli është klub historik dhe jam i lumtur për këtë tranferim. Roy Hodgson ishte kyç, sepse ishte ai që punoi aq shumë për të më marrë".

"Shpresoj që një ditë tifozët do të më kujtojnë për sukseset e mia te Liverpooli", tha portugezi.