Merkel: Greqia mund të shpëtohet me ndihma nga BE dhe mbështetje nga FMN

Kancelaria gjermane Angela Merkel, paraqiti sot një deklaratë qeveritare për shpëtimin e Greqisë, sipas të cilës, ky vend mund të shpëtohet me një “kombinim” ndihmash bilaterale të partnerëve të BE-së dhe mbështetjes së Fondit Monetar ndërkombëtar. “Ne duhet të ndërmarrim masat paraprake në mënyrë që të mos përsëritet një gjendje e tillë, dhe ne e pamë se: instrumentet aktuale të Bashkimit Monetar janë të pamjaftueshme. Prandaj ministri Volfgang Schauble ka tërhequr vërejtjen për këtë dhe ka propozuar masa të mëtejshme të cilat unë i mbështes fuqishëm”, u shpreh Merkel.