Merkel-Sarkozi kërkojnë një qeveri ekonomike të BE-së

"Ne kemi nevojë për një qeveri më të fortë ekonomike se ajo që kemi sot dhe për mua është shumë me rëndësi që ajo përbëhet nga kryetarët dhe kryeministrat e 27 vendeve anëtare të BE-së. Kështu dhe vetëm kështu them unë ne mund ta çojmë përpara Evropën me dobësitë që ende i kemi sot", tha Merkel.

Sarkozi ka kërkuar ngritjen e një qeverie ekonomike enkas për eurozonën, teksa Merkel e ka refuzuar kërkesën e franceze me arsyetimin se nuk mund të ketë anëtar të klasës së parë dhe të dytë në BE.

Merkel dhe Sarkozi ranë dakord që në samitin e G-20-ës të angazhohen për një taksë për bankat dhe një tjetër për transaksionet financiare.