Mesila Doda: “Opozita me një kauzë të humbur, Edi Rama nuk do integrimin e vendit”

Partia Demokratike u shpreh dje se protestat e opozitës së Edi Rama, e fusin kryekëput këtë krah politik në një kaos të thellë dhe drejt një kauze të humbur që në krye të herës. Deputetja demokrate, Mesila Doda u shpreh dje pas koncertit të organizuar nga mazhoranca se qeveria ka të drejtë të festojë në ditën respektit ndaj punës dhe festën e përparimeve evropiane të Shqipërisë.
Deputetja e PD-së komentoi se është për të ardhur keq që opozita vazhdon të tjerrë veprime të paprecedentë nga një mendje e sëmurë si Edi Rama. Ajo tha se PS-ja duhet të konsiderojë seriozisht ftesën e PD-së për bashkëpunim në parlament, në të mirë të Shqipërisë dhe interesave të shqiptarëve.
“Ne shprehim keqardhjen tonë për këto mendje të sëmura. I ftojmë të gjithë që të bashkohen me ftesën tonë. I ftojmë të gjithë të bashkëpunojnë me ne, për Shqipërinë e integruar dhe shqiptarët pa viza në Europë. PS po futet brenda një kauze të humbur. Ne do vazhdojmë të mbrojmë shqiptarët nga një njeri që nuk dëshiron integrimin e vendit”, u shpreh deputetja, Mesila Doda.
Pras i takon zgjidhjes së ngërçit, Doda tha se mazhoranca është e gatshme të mirëpresë çdo propozim që është në përputhje me kushtetutën dhe ligjet në fuqi.
Ajo shtoi se shumica kurrsesi nuk do lejojë të dhunohen ligjet në fuqi.