Messi hap Facebook, 7 milionë përcjellës për 7 orë!

Ylli i Barcelonës dhe i Kombëtares argjentinase, Lionel Messi ka hapur profil zyrtar të tij në rrjetin social Facebook dhe fitoi gati shtatë milionë përcjellës brenda shtatë orëve.

Messi, i cili dy herë ka fituar çmimin e futbollistit më të mirë të vitit në botë, ka hapur profilin e tij në Facebook të mërkurën, ndërsa në postimin e tij të parë shkroi: “Jam i lumtur! Prej tash e tutje do të jemi të lidhur më afër nëpërmjet Facebookut”.

Ai ka përcjellë bashkëlojtarët e tij nga Barcelona, Andres Iniesta, Gerard Pique, David Villa dhe Pedro si dhe rivalit nga Real Madridi, Cristiano Ronaldo, në mesin e futbollistëve kryesorë të La Ligas që kanë krijuar faqe zyrtare në ueb faqen Facebook.

Messi, i cili nuk ka llogari në tjetrin rrjet social Twitter, deri më tani gjatë këtij sezoni ka shënuar 45 gola për kampionin aktual të Spanjës, Barcelonën.