Messi motivohet nga dështimi

Ylli i Barcelonës, Lionel Messi ka thënë se dëshpërimi i edicionit të shkuar përfshirë humbjet nga Real Madridi dhe Chelsea i shërben si motivim për të triumfuar këtë stinor.

Viti i fundit i Pep Guardiolës në Nou Camp përfundoi me sukses në Copa del Rey por skuadra humbi titullin e kampionit në La Liga nga Real Madridi dhe u eliminua nga Chelsea në gjysmëfinale të Ligës së Kampionëve. Megjithatë, këtë stinor, Barcelona e ka filluar furishëm duke kryesuar në Kampionat dhe siguruar kualifikimin e mëtutjeshëm në Ligën e Kampionëve.

“Nuk e di se çka shkoi keq sezonin e shkuar. Por, ne mund ti përdorim kujtimet e sezonit të kaluar për tu përkujdesur që mos të na ndodhin prapë, andaj duhet të jemi më të uritur se kurrë”, deklaroi Messi për ELF Voetbal.