Meta: Imuniteti me 6 gusht, shans per statutin e BE

Kryetari i Levizjes Socialiste per Integrim, Ilir Meta, ka kerkuar dje nga klasa politike miratimin e heqjes se imunitetit me daten 6 gusht. Sipas tij, miratimi i draftit do te sherbente per te luftuar korrupsionin, por respektimi i afatit ne muajin gusht do te jepte dhe me shume shanse per marrjen e statusit te vendit kandidat ne Bashkimin Europian. "Mendoj se eshte plotesisht e mundur qe gjithcka te realizohet deri me 6 gusht. Data natyrisht nuk eshte ajo me e rendesishmja, por edhe datat kane rendesine e tyre, sidomos ne raport me nje proces, i cili absolutisht kerkon nje progres me te shpejte, me te dukshem dhe me te matshem. 6 gushti do te ndihmonte shume per te maksimalizuar shanset e vendit per te marre statusin e vendit kandidat", - u shpreh dje kreu i LSI-se per mediat. Kreu i LSI-se ka komentuar edhe qendrimin e opozites ne lidhje me mosvotimin e heqjes se imunitetit. Meta u shpreh se PS duhet te jete me bashkepunuese dhe se procesi eshte ende ne fazen e diskutimeve me grupet e interesit. "Ju po e ndjeni cdo dite qe ky proces po vazhdon edhe me grupet e interesit dhe nuk shikoj asnje arsye per t'u vonuar me tej. Une shpresoj qe opozita te jete me bashkepunuese dhe te gjithe permes nje bashkepunimi me te ngushte te realizojme kete objektiv, qe ne parim duket qe eshte i perbashket", - u shpreh dje kreu i LSI-se. Meta ka theksuar se heqja e imunitetit eshte nje kerkese e hershme e Bashkimit Europian dhe do te mundesoje shtimin e luftes ndaj korrupsionit. "Jane te gjitha mundesite qe ne daten 6 te realizohet ky votim dhe te plotesohet nje kerkese e kahershme, por sidomos se fundmi e theksuar fuqishem edhe nga komuniteti nderkombetar dhe qe do te maksimalizonte te gjitha shanset e vendit per te marre statusin e vendit kandidat. Jane te gjitha mundesite. Eshte e gjithe koha per kete gje", - tha dje Meta. Lidhur me qendrimin e LSI-se per kete ceshtje, Meta u shpreh e deputetet e kesaj force politike do te votojne draftin me te mire qe do te paraqitet per votim ne Kuvend. Lidhur me kete ceshtje, ai ka folur dhe per propozimin qe vete LSI ka bere disa dite me pare per imunitetin. Meta u shpreh se LSI-ja synon te jape ndihmesen e saj per ecjen para te procesit. "Per ne eshte e rendesishme te gjendet nje zgjidhje dhe natyrisht qe propozimet tona kane synuar ne radhe te pare per ta shtyre procesin perpara. Kjo eshte kryesorja", - tha dje Meta. Deklaratat e kreut te LSI-se u bene dje pas takimit me te rinjte e Levizjes Rinore per Integrim ku u diskutua per programin e arsimit te kesaj force politike dhe maturen shteterore.