Meta: Kapitulli i zgjedhjeve eshte mbyllur

Zevendeskryeministri dhe ministri i Jashtem, Ilir Meta, tha dje se askush nuk ka te drejte te kerkoje hapjen e kutive te votimit te 28 qershorit, kur gjykata ka dhene vendimin e saj. Sipas Metes, qeveria eshte e gatshme dhe po fton per dialog mes paleve. Por si mund te kete dialog tha Meta, kur Partia Socialiste vendos ultimatume. "Zgjedhjet e 28 qershorit ishin me te mirat, po PS po ben sikur nuk kupton. Dy jane rruget per dialog, ose socialistet vijne ne Parlament dhe dialogu nis ne institucione, ose ne shkojme me batanije tek ata, per te bere dialog", ironizoi Meta. Sipas tij, Edi Rama kerkon qe te gjithe opoziten ta zhvilloje jashte Parlamentit, ashtu sic eshte edhe vete, ne nje kohe kur mazhoranca eshte e hapur per diskutime. Ne kete kuader, numri dy i qeverise i beri te qarte edhe nje here socialisteve, se kapitulli i zgjedhjeve eshte i mbyllur dhe institucionet nuk mund te mbahen ne shantazh nga nje njeri i vetem. Madje Meta, solli dhe shembullin e tij, kur ishte ne opozite. "Edhe une kerkova qe te hapeshin kutite ne vitin 2005, sepse ne patem te dhena se nuk perputheshin rezultatet dhe PD-PS, moren vendim qe te mos hapen. Edhe une pranova. Pse duhet te hapen tani?", vijoi Meta. Ai theksoi se mazhoranca eshte per dialog, por ai nuk mund te zhvillohet me presione dhe ultimatume, dhune apo revansh. "Opozita te mos tregoje fryme antishtet, sepse po rrezikon integritetin e saj si force demokratike por edhe te destabilizoje vendin per qellime personale", tha Meta.