Meta: PS të zgjedhë rrugën e integrimit, jo bojkotin

Kryetari i Lëvizjes Socialiste për Integrim, Ilir Meta, komentoi dje nga Shtetet e Bashkuara të Amerikës, ku ndodhet për një vizitë, zhvillimin e procesit zgjedhor brenda PS-së. I pyetur nga "Zëri i Amerikës", kryetari i LSI-së theksoi se "për mua nuk është e rëndësishme nëse socialistët zgjedhin Ramën apo Lakrorin si kryetar partie. Për mua dhe të gjithë shqiptarët është e rëndësishme që socialistët të zgjedhin rrugën që shpejton integrimin e Shqipërisë në Europë". Pra, vijoi ai, të zgjedhin Europën duke i dhënë fund bojkotit dhe një politike tepër të vjetër destruktive, e cila nuk ka sjellë aspak shanse më të mira edhe për vetë socialistët për të marrë përgjegjësitë që ju takojnë në procesin integrues të vendit.