Meta: Rama- Berisha janë dy aventurierë

Kreu i Lëvizjes Socialiste
për Integrim, Ilir Meta,
zhvilloi dje një takim
me banorë të zonës së
Bathores, në bashkinë e Kamzës.
Meta shprehu një falënderim
të veçantë për të gjithë
drejtuesit e LSI për Bashkinë
e Kamzës dhe gjithë të pranishmit
në takim. Meta tha se
fati i një vendi, nuk mund të
mbetet në dorën e dy aventurierëve,
që tallen, që nga
Kushtetuta, - gjëja më e
rëndësishme që mund të
ketë një shtet, ashtu siç një
familje ka shtëpinë gjënë më
të rëndësishme, një shtet
Kushtetutën ka gjënë më të
rëndësishme, ajo e mban shtetin,
- e deri te prokuroria.
"Duke bërë pazarin më të
fundit të fëlliqur të dy
njerëzve të papërgjegjshëm
që nuk kanë asnjë respekt për
shtetin dhe për ligjin, e jo më
të garantojnë dhe të sigurojnë
pronat tuaja, jetën tuaj dhe të
sigurojnë një të ardhme më të
mirë për fëmijët tuaj", theksoi
Meta. Meta shprehu besimin
se LSI dhe koalicioni i saj do të
jetë fitues në zgjedhjet e vitit
2009 dhe theksoi se, nuk
mund të ketë alternativë
tjetër që t‘u garantojë shqiptarëve
dinjitet, pronat dhe
të ardhmen e fëmijëve të tyre.