Meta sërish thirrje për konsensus nga PS-ja

Kryetari i LSI-së, Ilir Meta sërish kërkon konsensusin e PS-së për amendimin e kodit zgjedhor përtej vërejtjeve të Presidentit të Republikës. Duke e cilësuar të gabuar zgjedhjen politike të PS-së e cila ka bojkotuar parlamentin deri në miratimin e Kodit Zgjedhor, Meta ka bërë thirrje për ndryshime që sigurojnë konsensusin më të gjerë të partive politike. Një ditë më parë PS-ja deklaroi në Kuvend se nuk do të votonte asnjë ligj derisa të zhbllokohej ligji zgjedhor i cili është kthyer për rishqyrtim në datën 3 dhjetor nga Presidenti i Republikës, Bamir Topi.