Meta thirrje socialisteve: Rama nuk po ben opozite por korrupsion

Ilir Meta sulmoi serish dje kreun e selise roze Edi Rama, se nuk ka force te beje opozite. Duke vijuar perplasjet brenda se majtes, Meta theksoi se tashme anetaret dhe simpatizantet e PS-se do te ndergjegjesohen se lidershipi i tyre nuk ka zgjedhur te beje opozite, por ka zgjedhur te beje afera korruptive me kryeministrin Sali Berisha. "Ne nuk kemi asnje ngurrim ne luften tone opozitare, nuk kemi asnje shqetesim nese i mbetet qejfi Berishes per kerkesat tona dhe qendrimet tona parimore", u shpreh Meta me ironi ndaj politikave qe PS si force opozitare ka zgjedhur te zbatoje. Sipas tij, LSI dhe LRI jane alternativa kryesore qe i mbetet shqiptareve per te refuzuar nje here e mire nje kaste te re politike dhe ekonomike, qe synojne te krijojne Rama dhe Berisha me marreveshjet dhe me aferat e tyre. Afera qe per Meten bien vetem ne kurriz te qytetareve, nga prishja e Kushtetutes e deri edhe te prishja e atyre pak mushkerive te gjelbra qe i kane mbetur kryeqytetit. "Pse nuk bashkepunon ky Berisha si kryeminister dhe Rama si kryetar i Bashkise se Tiranes per te zgjidhur ujin e pijshem per Seliten, per komunen e Parisit dhe per te gjithe Kryeqytetin?", kerkoi Meta, duke thelluar gjithnje e me shume carjen e krijuar mes opozites se majte. Sipas liderit te LSI-se, Rama dhe Berisha e kane shume te veshtire qe te ulen dhe te zgjidhin probleme te popullit, por merren me Kushtetuten. Diten e djeshme, Meta zhvilloi dhe nje takim me te rinjte ne njesine bashkiake numer pese ne kryeqytet. Ne kete takim ai shprehu bindjen e besimin e plote per suksesin e partise se tij ne zgjedhjet e ardhshme parlamentare. Madje dhe me sistemin e ri zgjedhor Meta pretendon se LSI do te dale force e pare politike, ndonese e kritikoi aq gjate kete model te ri. "Jam i bindur se perfaqesimi i LSI dhe LRI ne Parlamentin e ardhshem, por edhe ne qeverisjen e ardhshme, do te jete me se dinjitoz dhe i merituar. LSI eshte forca e se ardhmes, sepse eshte forca politike, e cila investon me shume per rinine dhe per gjeneraten e re", theksoi Meta.

Takimi ne Kashar

Kryetari i LSI-se, Ilir Meta tha dje ne Kashar ne nje takim me strukturat e partise ne kete zone, se partia qe ai drejton do te dale force e pare politike ne zgjedhjet e ardhshme parlamentare. Duke pergezuar ish kandidatin per kryetar komune ne kete zone Alfred Bakalli, i cili arriti te nxjerre LSI force e dyte politike, Meta shprehu bindjen se partia e tij do te jete force e pare ne zgjedhjet e ardhshme.

Me kete ritem qe po punohet jo vetem ne Tirane, por ne te gjithe Shqiperine, LSI-ja ne zgjedhjet e pergjithshme te 2009-es, do te jete force e pare politike ne vend", u shpreh ai.