Mikoli: Vathin e Maradonës e bleva unë

Blerësi misterioz i vathit të Diego Armando Maradonës është sulmuesi i Palermos, Fabricio Mikoli: “Pas zonjës misterioze, që fitoi ankandin për vathin e Maradonës, isha unë”. Lojtari shtatshkurtër italian rrëfen se ai bëri ofertën prej 25 mijë eurosh për të marrë xhevahirin, që e ka mbajtur për shumë kohë idhulli i tij argjentinas. Vathi u sekuestrua muaj më parë nga fisku për të reduktuar një pjesë të borxhit që "Pibe de Oro" i ka shtetit italian. Pas ankandit u përhapën shumë zëra rreth gruas misterioze.