Milan për Scudetto

Nënkryetari i Milanit, Adriano Galliani ka theksuar se skuadra është konkurrent për titull në Serie A pas fitores 3-0 ndaj Palermos të shtunën mbrëma.

Paraqitja e mirë e Rossonerëve kundër sicilianëve ka bindur Gallianin për fuqinë e ekipit, pavarësisht startit të dobët të sezonit.

“Milan është ekip i madh dhe me një skuadër të këtillë ne duhet të luftojmë për Scudetto. Nuk jemi inferior ndaj asnjë kundërshtari”, tha Galliani për të përditshmen italiane La Repubblica.