Mourinho i kënaqur me dyshen Higuain-Benzema
Trajneri i Real Madridit, Jose Mourinho ka pranuar se është i kënaqur që Gonzalo Higuain dhe Karim Benzema janë në formë të mirë.
Higuain realizoi një tjetër het-trik në fitoren 4-1 ndaj Real Betisit të shtunën duke shfrytëzuar mungesën e Benzemas i cili vuan nga një lëndim muskulor. Mourinho tregoi sa e rëndësishme është të ketë zëvendësues të mirë.
“Në futboll është gjithmonë vështirë për dikë ta lë jashtë një futbollist për pesë ose gjashtë ndeshje me radhë. Benzema e filloi mirë sezonin ndërsa Higuain është kthyer në formë. Jemi me fat që i kemi të dy”, tha Mourinho për AS.