Militantët vranë katër policë afganë

Persona të armatosur kanë vrarë së paku katër policë afganë, gjatë një sulmi të ndërmarrë sot në jug të Afganistanit, ka njoftuar një zyrtar.

Sulmi u ndërmor kundër një postblloku në afërsi të drejtorisë së Ministrisë për çështje të Informimit dhe Kulturë në qytetin Lashkar Gah, kryeqytetin e provincës së Helmandit.

Daoud Ahmad, zedhënës i guvernatorit të provincës, theksoi se mbetet e paqartë se kush i ka vrarë policët. Ai theksoi se policët si duket kanë pasur vizitorë dhe theksoi se kanë filluar hetimet për të zbuluar se a është ndërmarrë sulmi me motive politike apo personale.

Militantët talebanë në vazhdimësi po sulmojnë forcat e sigurisë dhe zyrtarët, me qëllim që të minojnë qeverinë në Kabul, të mbështetur nga SHBA-ja.

Presidenti i Afganistanit, Hamid Karzai, deklaroi në fillim të javës se ai do të angazhohet për heqjen e disa zyrtarëve talebanë nga lista e personave të kërkuar, të hartuar nga OKB-ja dhe se do të kërkojë përkrahje për planin e tij për pajtim.

Karzai theksoi se SHBA-ja dhe Europa përkrahin planin e tij për përkrahje me militantët, të cilët nuk kanë qenë të lidhur me Al Qaidën apo grupet tjera terroriste.