Milo, takim me fasonistët në qytetin e Vlorës

Kreu i PDS-së, Paskal Milo, ka zhvilluar një takim me fasonistët e qytetit të Vlorës. Në këtë takim, ai theksoi se Partia Demokracia Sociale në programin e saj tashmë të shpallur, ka parashikuar marrjen e mjaft masave të cilat janë në shërbimin direkt të kësaj shtrese. Demokracia Sociale së bashku me partnerët e vetë ka parashikuar pas fitores dhe ardhjes në qeveri, heqjen e taksës së sheshtë, sepse ne e dimë ashtu siç është cilësuar nga ju taksa e bukës së fëmijëve, është shumë e rëndësishme për mirëqenien tuaj, nënvizoi ai. Ndër të tjera, Milo ka premtuar edhe rimbursimin e TVSH-së, dhe po kështu edhe marrjen e masave të tjera sociale, të cilat do të çojnë në rritjen e nivelit të jetesës. Kjo sipas tij bëhet për të vetmin qëllim, që fasonistët të gëzojnë këtë jetë që iu është dhënë dhe jo të vazhdojnë të vuajnë.