Minatorët në ditën e katërt të protestës së tyre

TIRANË- Rreth 50 minatorë të Bulqizës kanë hyrë në ditën e katërt të protestës së tyre para godinës së kryeministrisë dhe ministrisë së Ekonomisë.

Minatorët kërkojnë plotësimin e kushteve të tyre, të cilat kanë të bjënë me rritjen e pagës, uljen e moshës së pensionit, dhe krijimin e kushteve të punës dhe kanë deklaruar se nuk largohen pa u plotësuar kushtet e tyre.

Ndërkohë punonjësit e minierës së Bulqizës kanë kryer paraditen e sotme një protestë të vogël para ACR, e cila ka rënë dakort vetëm për disa nga kërkesat e minatorëve, për këto ata kërkojnë ndihmën dhe ndërhyrjen e kryeministrit.
(e.m/BalkanWeb)

Lidhje te tjera VIDEO: Protesta e minatorëve, Nikolla:Pezullimi i kontratës me ACR,hap pozitiv