Minatorët protestë para Ministrisë së Ekonomisë

Minatorët e Bulqizës kanë protestuar para ministrisë së ekonomisë për heqjen e licensës kompanisë austriake e cila ka marrë me koncesion vetëm para një viti Albkromin. Kryetari i federatës së industrisë Taf Koleci është shprehur se kjo kompani ka investuar në përmirësimin e kushteve të punës dhe se nuk është e drejtë që t'i hiqet licensa.
Minatorët u shprehën të kënaqur me kushtet e punës që i ka krijuar kjo kompani dhe madje kërcënuan dhe bllokimin e rrugës nacionale nëse ministria nuk do të rishikonte vendimin.
Pas takimit me sekretarin e ministrisë Eduard Kraja morën premtimin për rishikim të vendimit për heqjen e licensës.
Kjo protest u zhvillua vetëm një ditë pas deklaratës së ministrit të ekonomisë Dritan Prifti për heqjen e licensës pasi nuk plotësonte kushtet e sigurisë.