Miniera e Bezhanit, “mina me sahat” nën shtëpitë e banorëve
08/05/2005 Shembje e dheut rrezikon jetën e fëmijëve e bagëtive
KOLONJE - Miniera e Qymyrgurit Bezhan është kthyer në një rrezik serioz për jetën e banorëve të zonës, por edhe për bagëtinë dhe bimësinë e saj. Nga organet përgjegjëse jo vetëm që nuk është folur për rrezikshmërinë e saj, por mund të thuhet se është lënë krejtësisht në harresë.
Për këtë shqetësim është prononcuar për gazetën “Metropol” një nga specialistët e kësaj miniere, inxhinieri Dhimitër Pina, i cili është dhe një nga autorët e realizimit të projektit për mbylljen dhe sigurimin e minierës.
Sipas inxhinierit Pina, “projekti ka parashikuar deri në imtësi çdo proces të mbylljes dhe sigurimit të galerive dhe puseve. Janë llogaritur, tha ai, të gjitha fondet e nevojshme për këtë problem, por deri tani dosja voluminoze ka mbetur nëpër sirtare pa u vënë në zbatim dhe pa u kujtur kush që ky projekt të mund të realizohet”.
Nga shpjegimet e inxhinierit Pina, mësohet se “rreziku shkaktohet nga mundësia e shfryrjes së gazrave të dëmshëm nga galeritë, të cilat, edhe pse nuk janë në funksionim, brenda tyre ndodhin procese të ndryshme fiziko-kimike. Këto procese përcillen me ulje të tavaneve dhe me nivelin e galerive në të gjithë sipërfaqen e tyre. Hyrjet e galerive dhe të puseve janë bllokuar, por kjo nuk do të thotë as mbyllje, as sigurim i minierës. Në mbrojtje të jetës së njerëzve është bërë një investim intelektual i pallogaritshëm, por deri më sot nuk është vënë në zbatim, çka do të thotë se jeta e banorëve përreth nuk është e sigurtë. Kjo ndodh pasi galeritë përmbyten nga ujërat dhe gjatë gjithë kohës ndodhen nën presionin e gazrave. Për rrjedhojë, materialet e përdorura për ndërtimin e galerive, humbasin cilësinë dhe rezistencën e tyre dhe gjithçka mund të shembet papritur. Nëse ndodh një fenomen i tillë, gjë që nuk përjashtohet, shembja mund të marrë brenda vetës bagëti që kullosin mbi sipërfaqe, njerëz që punojnë në tokën e tyre, mjete të transportt, fëmijë që luajnë dhe kalimtarë të rastit”.
Por, siç pohon inxhinieri Dhmimitër Pina, miniera e Bezhanit përmban brenda vetes një rrezik mjaft serioz, sepse formacionet e saj kanë qenë të dobta dhe rrëshqitja e tokës ka qenë mjaft e madhe. Banorët e zonës nuk e dinë se ç’ndodh poshtë banesave të tyre dhe nuk e mendojnë se jetojnë bashkë me rrezikun dhe se mund të ndodhë një katastrofë njerëzore.
13 miniera ka patur
rajoni i Korçës
10 mijë persona
kanë qenë të punësuar
220 mijë tonë mineral
eksportoheshin çdo vit
69.183.000 tonë
rezervat aktuale minerare
31.000.000 tonë
rezervat aktuale energjetike
KOLONJE - Miniera e Qymyrgurit Bezhan është kthyer në një rrezik serioz për jetën e banorëve të zonës, por edhe për bagëtinë dhe bimësinë e saj. Nga organet përgjegjëse jo vetëm që nuk është folur për rrezikshmërinë e saj, por mund të thuhet se është lënë krejtësisht në harresë.
Për këtë shqetësim është prononcuar për gazetën “Metropol” një nga specialistët e kësaj miniere, inxhinieri Dhimitër Pina, i cili është dhe një nga autorët e realizimit të projektit për mbylljen dhe sigurimin e minierës.
Sipas inxhinierit Pina, “projekti ka parashikuar deri në imtësi çdo proces të mbylljes dhe sigurimit të galerive dhe puseve. Janë llogaritur, tha ai, të gjitha fondet e nevojshme për këtë problem, por deri tani dosja voluminoze ka mbetur nëpër sirtare pa u vënë në zbatim dhe pa u kujtur kush që ky projekt të mund të realizohet”.
Nga shpjegimet e inxhinierit Pina, mësohet se “rreziku shkaktohet nga mundësia e shfryrjes së gazrave të dëmshëm nga galeritë, të cilat, edhe pse nuk janë në funksionim, brenda tyre ndodhin procese të ndryshme fiziko-kimike. Këto procese përcillen me ulje të tavaneve dhe me nivelin e galerive në të gjithë sipërfaqen e tyre. Hyrjet e galerive dhe të puseve janë bllokuar, por kjo nuk do të thotë as mbyllje, as sigurim i minierës. Në mbrojtje të jetës së njerëzve është bërë një investim intelektual i pallogaritshëm, por deri më sot nuk është vënë në zbatim, çka do të thotë se jeta e banorëve përreth nuk është e sigurtë. Kjo ndodh pasi galeritë përmbyten nga ujërat dhe gjatë gjithë kohës ndodhen nën presionin e gazrave. Për rrjedhojë, materialet e përdorura për ndërtimin e galerive, humbasin cilësinë dhe rezistencën e tyre dhe gjithçka mund të shembet papritur. Nëse ndodh një fenomen i tillë, gjë që nuk përjashtohet, shembja mund të marrë brenda vetës bagëti që kullosin mbi sipërfaqe, njerëz që punojnë në tokën e tyre, mjete të transportt, fëmijë që luajnë dhe kalimtarë të rastit”.
Por, siç pohon inxhinieri Dhmimitër Pina, miniera e Bezhanit përmban brenda vetes një rrezik mjaft serioz, sepse formacionet e saj kanë qenë të dobta dhe rrëshqitja e tokës ka qenë mjaft e madhe. Banorët e zonës nuk e dinë se ç’ndodh poshtë banesave të tyre dhe nuk e mendojnë se jetojnë bashkë me rrezikun dhe se mund të ndodhë një katastrofë njerëzore.
13 miniera ka patur
rajoni i Korçës
10 mijë persona
kanë qenë të punësuar
220 mijë tonë mineral
eksportoheshin çdo vit
69.183.000 tonë
rezervat aktuale minerare
31.000.000 tonë
rezervat aktuale energjetike