Ministri i Mbrojtjes Imami nderohet me çmimin për paqe “Papa Bonifaci VIII”

Anjani, 8 dhjetor, NOA – Ministri i Mbrojtjes, Arben Imami e nje nga te nderuarit me çmimin nderkombetar per paqe, “Papa Bonifaci VIII”, i dhene Akademia Bonifaciane ne qytetin Anjani te Italise, i njohur si qyteti i Papeve, nje çmim “Per angazhimin dhe kontributin kulturor e social, per realizimin e idealeve, qellimeve dhe vlerave vlerave te paqes e bashkejeteses midis popujve. “Liria eshte domosodshmeri pa te cilen paqja si vlere absolute per jeten nuk ka kuptim, per kete qellim e konsideroj kete çmim prestigjioz mbi te gjitha vleresim te perpjekjeve dhe sakrificave te vendit tim ne rrugen e ndertimit te nje sistemi politik pluralist dhe kushtetues”, nenvizoi ministri i Mbrojtjes gjate marrjes se çmimit Papa Bonifaci VIII.

Gjate marrjes se çmimit nderkombetar per paqe Papa Bonifaci VIII dhe titullit te Akademikut  Honorifik me motivacionin “Per angazhimin dhe kontributin kulturor e social, per realizimin e idealeve, qellimeve dhe vlerave te evokuara nga akademia, i dorezuar nga Eminenza e Tij, Kardinali Franko Kroçi, Ministri i Mbrojtjes Arben Imami duke shprehur mirenjohjen per kete çmim tha se “eshte nder dhe privilegj per mua qe marr kete çmim prestigjioz, jo vetem per motivacionin qe me eshte dhene e per vleresimin qe me eshte bere, por edhe per faktin se eshte vleresuar Shqiperia”.

Me pas gjate fjales se tij Imami i njohu te pranishmit se kishte hyre ne udhen e politikes duke luftuar per lirine vetjake dhe ate te shqiptareve, pasi sipas Imamit formimi i njeriut eshte i manget kur mungon liria e mundesise per te zgjedhur.

Por, perpara ceremonise ne Sheshin Papa Inoçenti III, Ministri Imami dhe bashkeshortja e tij Najada Hamza, u priten nga Eminenca e Tij, Kardinali Franko Kroçi; nga Kavalier. Doktor. Sante De Anxhelis, President i Akademise Bonifaciane, nga Gjeneral Korparmate Xhuzepe Valoto si dhe autoritete te tjera te qytetit.

Nen tingujt e orkestres frymore te Forcave te Armatosura Italiane, autoritetet dhe fituesit e çmimit iu drejtuan salles kryesore te Pallatit Komunal, ku merrnin pjese perfaqesues te bashkise se qytetit, klerike, ambasadore, perfaqesues te artit e te kultures si dhe qytetare te Anjanit, per te cilet dhenia e çmimit per paqe Papa Bonifaci VIII perben nje eveniment te rendesishem.

Perpara ceremonise se dorezimit te çmimit, Papa Benedikti XVI bashke me bekimin e tij per organizatoret, Komitetin Shkencor Perzgjedhes si dhe per fituesit e çmimit, evokoi ndihmen e deshiruar hyjnore dhe mbeshtetjen per njerezit ne nevoje te goditur nga permbytjet ne Shqiperi.

Ishin himnet kombetare te Italise, Vatikanit, Shqiperise, si dhe ato te Bashkimit Europian e Akademise Bonifaciane qe shenuan fillimin e ceremonise.

Presidenti Sante De Angelis ne pershendetjen e tij e cilesoi aktivitetin e Akademise Bonifaciane si kontribuese ne ndertimin e nje bote me te drejte e me vellazerore si dhe qellimin e dhenies se çmimit ne vleresim te nismave me vlera te larta sociale e humanitare te ndermarra nga personalitete te ndryshme ne dobi te paqes, vlerave njerezore dhe bashkejeteses sociale.

Çmimi Bonifaci VIII ka si qellim kryesor promovimin e vlerave te paqes e bashkejeteses midis popujve, sipas shembullit te faljes bonifaciane, shembull i se ciles mbetet Papa Bonifaci VIII.

Pikerisht mbi keto motive, Akademia Bonifaciane, organizon çdo vit ceremonine e shperndarjes se ketij çmimi nderkombetar.

Nen kujdesin e Vatikanit, nje Komitet Shkencor i kryesuar nga Eminenca e Tij, Kardinali Eduard Novak, ne perberje te te cilit ka kardinale, parlamentare, profesore, ushtarake te larte, perfaqesues te spikatur te artit e kulture, shqyrton kandidaturat e paraqitura dhe ben perzgjedhjen e fituesve.

Ështe hera e pare qe ky çmim i akordohet nje personaliteti publik shqiptar.

Midis shume figurave te shquara, ky çmim i eshte dhene Papa Gjon Palit II, Presidenteve te Italise Skalfaro e Çiampi, çmimit Nobel per Paqe Rita Levi Montalçini, senatorit Xhulio Andreoti, politikanit Xhanfranko Fini.