Ministria e Mbrojtjes, manifestim për anëtarësimin në NATO

Ministria e Mbrojtjes dhe Shtabi i Përgjithshëm do të organizojnë ditën e sotme një manifestim festiv me rastin e ngjarjes historike të anëtarësimit të Shqipërisë me të drejta të plota në Aleancën e Atlantikut të Veriut. Manifestimi do të organizohet në sheshin Nënë Tereza në orën 10. Manifestimi festiv, ku do të marrin pjesë të gjitha strukturat e ushtrisë, do të ndiqet edhe nga Banda e Forcave të Armatosura dhe kori artistik. Më pas në mjediset e Liqenit Artificial, do te zhvillohet krosi masiv fizkulturor.