Mjetet jashte rruge, tre te vdekur

Aksidentet u kushtojne jeten tre personave ne Librazhd dhe Pogradec. Ngjarjet kane ndodhur ne akset rrugore Librazhd-Perrenjas, ku vdiqen dy te rinj qe udhetonin me nje motorcikel dhe ne Pogradec-Petrushe, ku permbysja e nje traktori shkaktoi vdekjen e pasagjerit te moshuar. Burime zyrtare te policise thane se Ermir Bregu, 20 vjec, me banim ne Perrenjas dhe Artan Hidri, po 20 vjec, me banim ne Rodokal, humben jeten si pasoje e renies se motorit nga nje lartesi prej 10 metrash, ne afersi te lokalit te "Sollakut". Dalja nga rruga dhe perplasja mbi shina ka qene dramatike, ndersa policia i gjeti te rinjte te pajete. Dyshohet se shkak ka qene erresira dhe shpejtesia ne kthese. Ndersa dje ne oren 08:30, traktori i drejtuar nga 30-vjecari Pajtim Shkembi, ka dale nga rruga dhe per pasoje ka gjetur vdekjen 60-vjecari Hekuran Tahirllari, ndersa shkonte ne fushe per te punuar aren.

F.S.