Mohon akuzat, ne burg tutorja
Gjykata e rrethit te Fierit ka vendosur te lere ne burg pa afat Aferdita Mahmutajn, gruan e akuzuar si tutoren e nje prostitute 16-vjecare. Ne seancen e djeshme mesohet se 37-vjecarja ka mohuar akuzat, duke thene se te mituren Blerina M., e ka njohur ne lokalin e saj, ku punonte si parukiere. “Erdhi ne dyqan per te bere permanent, bleu edhe maska dhe krem dhe pagoi 50 euro dhe 1500 leke”, tregoi e akuzuara perpara togave te zeza. Me gjithe kembenguljen e saj, qe seanca te ishte e hapur, gjykata vendosi qe procesi te zhvillohej me dyer te mbyllura, per te ruajtur privatesine e deshmitareve. Mbrojtesi ligjor i gruas se divorcuar deklaroi se policia ka ndaluar ne menyre te kunderligjshme klienten e tij dhe jo ne kushtet e flagrances. Me gjithe pretendimet e mbrojtjes, gjykata vendosi te marre ne konsiderate kerkesen e perfaqesuesit te organit te akuzes, duke lene ne burg Aferdita Mahmutajn, e akuzuar per “shfrytezim te prostitucionit” deri ne perfundim te hetimeve. Xh. Beharaj