Moisiu takon me Cervenkovskin

21/04/2005  Presidenti i Republikës së Shqipërisë, Alfred Moisiu, ka zhilluar një takim me homologun e tij maqedonas, Branko Cervenkovski, ku kanë mbajtur të njëjtin qëndrim për çështjen e statusit të Kosvës. Lidhur me zhvillimet në Kosovë, Moisiu tha se “viti 2005 është viti i vlerësimit të standardeve të Kosovës dhe i fillimit të bisedimeve për statusin final. Zgjidhja përfundimtare e këtij statusi do të vijë në përputhje me dëshirën e qytetarëve të Kosovës në bashkëpunim me faktorin ndërkombëtar, SHBA, BE, OKB”. Të njëjtin qëndrim ka mbajtur dhe Cevernkovski, sipas të cilit duhet të nxitet fillimi i dialogut mes Prishtinës dhe Beogradit, kjo natyrisht e shoqëruar dhe me dëshirën e qytetarëve, si dhe me vendimin e bashkësisë ndërkombëtare. Temë e bisedimeve ka qenë dhe intesifikimi i bashkëpunimit mes Shqipërisë dhe Maqedonisë si dhe nxitja e dialogut politik. Ndësa lidhur me çështjen e emrit të Maqedonisë, Presidenti Moisiu është shprehur se zgjidhja do të dalë nga negociatat mes Maqedonisë dhe Greqisë, ku duhet të respektohet ajo që do të vendoset nga këto negociata.