Moody's: Ekonomia juaj vazhdon e qendrueshme Eglantina Nasi
Pritshmeria per te ardhmen e ekonomise dhe financave publike te Shqiperise vleresohet e qendrueshme. Ky eshte vleresimi i fundit qe agjencia e kreditit te korporatave dhe vendeve sovrane, "Mood's Investors Service" (e njohur si Moody's) ka bere mbi vendin tone. Duke i akorduar atij treguesin "B1", ekspertet e kesaj agjencie e vleresojne konkretisht per aftesite kredituese dhe ne teresi, per parametrat e qendrueshem makro-ekonomike. Ne kete menyre, "Moody's" i qendron vleresimit te meparshem qe ka bere per Shqiperine, ne muajin dhjetor te vitit te kaluar. Kujtojme ketu, se edhe atehere, ekonomia shqiptare u vleresua prej saj me treguesin "B1" dhe cilesimin si "E qendrueshme". Vleresim pozitiv ky, te cilin Shqiperise ia dha ne fakt, edhe agjencia tjeter e njohur e kreditimit, "Standard & Poor's", saktesisht me treguesin "B+" dhe cilesimin "E qendrueshme". Fakte keto qe tregojne se te dyja keto agjenci te pavarura te vleresimit te kreditit te shteteve, ndajne te njejtin opinion per situaten aktuale te ekonomise shqiptare. Nderkaq, ne raportin e saj te fundit, agjencia "Moody's" thekson se Shqiperia ne te ardhmen do te kishte nje vleresim ne rritje nese do te fuqizoheshin me tej institucionet. "Eshte bere progres, nderkohe qe orientimi dhe marrja e statusit te vendit kandidat do ishte nje sinjal pozitiv i dobishem per vleresimin e kreditit gjithashtu", - vleresojne ekspertet e "Moody's". Duke shtuar me tej se "sistemi gjyqesor i permiresuar dhe eficienca e tij do te perbente nje shtyse per investimet e huaja, dhe si rrjedhim, nje pozicion me te mire tregtar e makro-ekonomik te vendit". Gjithashtu, per ekspertet e kesaj agjencie, "ankorimi i politikave te qeverise drejt integrimit evropian, ka qene dhe mbetet orientimi me efikas ne qendrueshmerine ekonomike, ndaj vazhdimesia do te gjeneroje gjithnje vleresime pozitive ne te ardhmen". Nga ana tjeter, nga agjencia theksohet se do te kishim nje vleresim ne ulje nese "qeveria nuk vazhdon te mbaje ritmin e programit te reformave si ato ekonomike dhe institucionale". "Nevoja per te pasur institucione me te fuqizuara mbetet gjithnje nje konstante ne progresin e rruges europiane", - citojne ekspertet. Pa harruar te theksojne edhe se konsolidimit fiskal, i duhet kushtuar vemendja e duhur per te ruajtur treguesit makro-ekonomike, gje e cila sipas tyre, deri tani eshte ekzekutuar ne menyre racionale. Ne fund, ekspertet e "Moody's" garantojne se "zhvillimet politike dhe institucionale do te japin me siguri ndikimin e tyre ne shpejtesine e implementimit te reformave, nxitjes se zhvillimit te shpejte te ekonomise dhe treguesve kryesore te saj.