Morati Trajneri Benitez derisa eshte aty...

“Nuk kam pasur mundësi të takoj askënd, po kërkojmë të kuptojmë, kjo situatë është disi rrëmujë, e gjitha ajo që ka ndodhur është e papritur dhe po vlerësojmë të gjitha pikëpamjet”. Kështu tha presidentin i Interit, Masimo Morati, në dalje të zyrës së tij te Saras për pushimin e darkës, pas një mbledhjeje së djeshme me drejtin teknik, Marco Branka. “Më thoni mua nëse ka të reja, sepse betohem, ka pasur punë të tjera dhe nuk di asgjë”, u shpreh Morati për gazetarët, që e prisnin, për t’iu përgjigjur më pas kështu pyetjes, se a është Rafa Benitez ende trajner i Interit: “përderisa është aty...”. Pra, ka akull mes presidentit zikaltër dhe trajnerit spanjoll, i cili vetëm 6 ditë më parë fitonte Botërorin e Klubeve nën drejtimin e skuadrës së Interit. Është përgënjeshtruar në të gjitha mënyrat një takim me Leonardon. Megjithatë, gazetat flasin sërish. Sipas tyre, mbetet vetëm të zyrtarizohet largimi nga pankina i Benitezit, sepse skaleta në hyrje është tashmë gati për t’u kaluar në duart e Leonardos. Ndërsa vazhdon mundja e krahut mes Interit dhe Benitezit mbi natyrën e ndarjes. Nyja që Morati e përkufizon “rrëmujë”, nuk është gjë tjetër, veçse vullneti i zikaltërve për të mbyllur raportin me teknikun spanjoll pa i dëmshpërblyer pagën deri në vitin 2012. Në valle janë rreth 6 milionë euro për spanjollin dhe 12 (bruto) për Interin. Në kontratën e nënshkruar në qershor është parashikuar, që Benitezit do t’i shkojnë 4 milionë neto në vit për dy sezone. Pastaj një klauzolë parashikon prishjen e kontratës nga ana e klubit mes 15 majit dhe 15 qershorit të 2011: në atë periudhë trajneri mund të largohet nga pankina pa i dëmshpërblyer asgjë për vitin e dytë. Ndërsa nëse Interi e shkarkon më përpara duhet t’i dëmshpërblejë të gjitha pretendimet. Ja përse, nëse divorci ndodh tani, klubi i Moratit do të duhet të paguajë 6 milionë euro në dorë. Kjo është pikërisht ajo që dëshiron të evitojë padroni i Interit. Nga Anglia vijnë zëra për një marrëveshje të mundshme për të prishur kontratën në bazë të 8 milionë eurove shpërblim për teknikun.