Moti shi e bore, 14 marsi sjell pranveren

Perkeqesohet atmosfera, duke na sjelle te tjera dite me shi e bore, pikerisht gjate dites se sotme dhe te neserme. Aktualisht territori i vendit eshte perfshire nga nje fushe me presion te ulet atmosferik, i cili pervec reshjeve ne te gjithe territorin e vendit, do te shkaktoje edhe ulje te temperaturave. Meteoalb ben te ditur se te premten, vranesira do te percahet, duke stabilizuar fenomenet ne atmosfere, por temperaturat pritet te pesojne nje ulje te metejshme. "Presioni atmosferik me vlera te uleta do te mbizoteroje ne vendin tone per dy dite. Ky do te shoqerohet me temperatura te uleta, me reshje te shiut dhe te bores ne lartesite mbi 1000 metra" kane nenvizuar sinoptikanet. Por sipas tyre, pranvera duket se do te vije ne diten e saj, pikerisht ne 14 mars, ku pritet te kemi nje permbysje totale te kushteve atmosferike. Sipas meteorologeve, Festa e Dites se Veres, praktikisht data 14 mars, do te karakterizohet nga mot i mire. Po ashtu pritet qe kete fundjave temperaturat, te fillojne te rikuperojne vlerat e humbura gjate frontit te ftohte te se enjtes dhe se premtes. Pranvera ka ardhur, kjo deklarohet me plot bindje nga sinoptikanet, te cilet argumentojne se kjo vertetohet nga temperaturat e dhjete diteve te para te marsit, te cilat jane brenda vlerave normale per kete stine. Por ata nuk bejne perjashtime per dite te vecanta, sic pritet te jete e premtja, ku termometri do te shenoje ne mjaft qytete nen zero, situate kjo aspak normale per muajin ne te cilin jemi. Edhe per sa i perket reshjeve, sinoptikanet pohojne se ato jane ne kuota normale, ndersa theksojne se 15 ditshi i dyte i marsit, do te sjelle temperatura me te ngrohta dhe me pak reshje.