Mourinho duhet të jetë shembull

Presidenti i UEFA-s, Michel Platini i ka bërë thirrje Jose Mourinhos të jetë shembull pas sjelljeve të këqija të trajnerit të Real Madridit në ndeshjen e kthimit të Superkupës së Spanjës kundër Barcelonës.

Mourinho kishte sulmuar asistentin e Barcelonës Tito Vilanova në minutat e fundit të takimit pasi në fushë kishte shpërthyer një kacafytje ku u përfshin edhe futbollistë nga të dyja skuadrat.

“Të gjithë mund të bëjnë gabime dhe ai do të dënohet nga komisioni disiplinor i ligës. Do të kishte qenë më mirë të mos e kishte bërë atë, ai është një edukator, një trajner, ndoshta më i miri në botë. Njerëzit e mirë në botë duhet të jenë shembuj, ata duhet të jenë të pastër. Është mendim njerëzor dhe nuk kam frikë të them këtë” tha Platini për mediet spanjolle.