Schmeichel mbron De Gean
Nga Express më 27 gusht 2011 në ora 17:20
Legjenda e Manchester Unitedit Peter Schmeichel ka përkrahur portierin e ekipit David de Gea duke i dal në mbrojtje pas kritikave të shumta që përcollën debutimin e tij me gjigantin nga Old Trafford.
Portieri i ri spanjoll u duk solid në fitoren 3-0 ndaj Tottenhamit të hënën dhe danezi Schmeichel beson se De Gea mund të paraqitet edhe më mirë, por për këtë nevojitet kohë.
“Është shumë e padrejtë, sipas meje, të kritikohet De Gea. Nuk mendoj se ka bërë gabime të rënda. Ai tregoi karakter të shkëlqyeshëm kundër Tottenhamit” tha Schmeichel për Five Live Sport.