Mungojnë kushtet,60 nxënës analfabetë

24/05/2005  Korçë – Janë rreth 60 fëmijë të shkollës 9-vjeçare në fshatin Trestenik të Korçës, të cilët rrezikojnë të mbeten analfabetë. Shumica e këtyre, edhe pse jo në klasën e parë, nuk kanë njohuri për rregullat drejtshkrimore, ndërkohë që, sipas nxënësve dhe prindërve, kushtet e këqija të shkollës kanë ndikuar negativisht në cilësinë e mësimdhënies dhe në zhvillimin e orëve të pakta të mësimit. Situata më e rëndë është në stinën e dimrit, ku nxënësit thuajse nuk zhvillojnë fare mësim.