Murinjo-Branka, polemika për largimet

Hoze Murinjo regjistron përplasjen e parë tek Interi, që prej
emërimit në krye të skuadrës. Tekniku luzitan i ka shpallur luftë
drejtorit sportiv, Marko Branka dhe shkak janë bërë politikat e ndjekura
nga klubi në merkato. Polemikat janë ndezur, sepse Murinjo
kërkon të largojë disa elementë të cilësuar të panevojshëm. Ai preferon
të ketë një kontingjent më të vogël, por zikaltërit nuk pranojnë
të shpërndajnë lojtarë në formë huazimi. Krespo, Burdiso, Materaci
e Dakurt janë emrat që tekniku nuk dëshiron t‘i ketë në ekip, por
Branka këmbëngul se nëse nuk shiten, ata do vazhdojnë të jenë
pjesë e kampionëve të Italisë.