Muzeu i ri prane xhamise

Kryetari i Bashkise së Tiranës, Edi Rama në një konsulutë publike, me studiues, arkitektë dhe qytetarë, tha se kryeqytetit të shqiptarëve do t’i shtohet, një objekt krejtësisht i veçantë për simbolikën e tij, muzeu i Tiranës dhe bashkëjetesës fetare.

Kjo ndërtesë e cila do të shtrihet në një sipërfaqe prej 13 mijë e 200 metër katrorë, do të ndërtohet shumë pranë xhamisë së re.

“Do të kemi një godinë i cili mendojmë të quhet muzeu i Tiranës dhe bashkëjetesës fetare. Kur shtohet elementi i bashkëjetesës fetare plotësohet një kuadër në të cilin vështrohet shumë më qartë”, tha Rama.

Ky muze, i cili do të ketë ambjente të jashtme dhe të brendshme ekspozimi  do të prezantojnë bashkejetesën qytetare dhe fetare të qytetarëve të Tiranës.

“Do të jetë një mënyrë e re e të trajtuarit të hapësirave dhe konceptuarit të muzeut”, shtoi Rama.

Pjesë e muzeut të ri do të jetë dhe një fond prej 460 objektesh të kulturës popullore muzeale të kryeqytetit.

Për ndërtimin e tij do të realizohet një konkurs ndërkombëtar ku arkitektë të ndryshëm mund të paraqesin projektet e tyre bazuar në ambicien e prezantuar nga Bashkia e Tiranës.